𝗘𝘁𝗶𝗾𝘂𝗲𝘁𝘁𝗲 𝗳𝗼𝗿 𝗧𝗿𝗮𝗱𝗶𝘁𝗶𝗼𝗻𝗮𝗹 𝗦𝘁𝘂𝗱𝗲𝗻𝘁 𝗣𝗼𝗹𝗶𝘁𝗶𝗰𝗶𝗮𝗻𝘀

(𝘍𝘳𝘰𝘮 𝘵𝘩𝘦 𝘈𝘳𝘤𝘩𝘪𝘷𝘦𝘴)

𝗕𝗔𝗕𝗔𝗟𝗔 (Asawa ni Babalu): Kung feeling mo ikaw ay isang Student TraPo, ‘wag mo nang tangkain pang basahin ang buong nilalaman ng artikulong ito. Masasaktan ka lang.

Nariyan sila lagi. Laman ng News Feeds mo sa Facebook. Yung mga organismong walang ginawa kundi magpost nang magpost ng mga kaeklatan nila sa mga social media sites at umaani ng daan-daang auto likes. Yung mga estudyante na walang ginawa kundi umeksena kahit hindi naman kinakailangan ang presensya nila. Yung mga self-proclaimed-student-leaders kahit wala namang kayang patunayan ay talaga namang tatakbo sa konseho para lang ma-feel yung moment na nasa tarpaulin ang mga pagmumukha nila.

At ngayon, upang mas lumawak ang ating kaalaman at pag-intindi sa mga kapwa natin estudyante na dumaranas ng ganitong mentalidad, ating himay-himayin ang mga tuntunin para sa mga Student TraPos (Traditional Politicians).

𝗦𝗨𝗠𝗔𝗟𝗜 𝗞𝗔 𝗦𝗔 𝗠𝗔𝗥𝗔𝗠𝗜𝗡𝗚 𝗦𝗧𝗨𝗗𝗘𝗡𝗧 𝗢𝗥𝗚𝗦

Alalahanin mo, tatakbo ka sa eleksyon. So kailangan mo ng maraming credentials para marami ka ring malagay sa tarpaulin ng partido niyo. Mas effective kung sisimulan mo ang pagsali sa mga orgs kung freshman ka pa lang – para mas lalo mong mahasa ang sungay mo, ay este ang abilidad mo sa “shtdent ledershep”. And make sure, yung sasalihan mong mga org ay kilala para may maipagmamalaki ka sa mga estudyante (kahit wala ka namang nagawa).

Tiis gutom ka lagi araw-araw kapag nagsisimula ka sa mga orgs. Uutusan ka lagi at uuwi kadalasan nang hating-gabi. Dadaan ang mga araw na tatanungin mo ang sarili mo, “Dito ba ang sulok kong takda?” Pero syempre, you porsses the most vital characteristic na matatgpuan lang sa mga Student TraPo – ang pagiging Position Seeker. Hipokrito ka kung sasabihin mong, “Hindi po kailangan na mataas ang posisyon mo para masabing may nagawa ka blah blah blah…” Pweh! Lahat ng ito ay plinano mo upang sa gayon ay magpakasasa ka sa mga beneifts na matatamasa mo should you be on the top of the org.

𝗔𝗟𝗪𝗔𝗬𝗦 𝗪𝗘𝗔𝗥 𝗔 𝗣𝗟𝗔𝗦𝗧𝗜𝗖 𝗦𝗠𝗜𝗟𝗘

Student TraPo ka, so you should always smile – in the hallway, cafeteria, classroom, grounds, students’ lounge, in the offices, sa kalsada, hanggang sa pag-uwi mo. Dalhin mo yang kaplastikan mo araw-araw dahil kapag oras na dumating ang eleksyon, you will be remembered as the pathetic loser na walang ginawa kundi makipag-plastikan sa mga esdyudyante maigapang lang ang kanilang boto. Bahaha!

But, but, but, if in case manalo ka, aba! Magbunyi ang tartar mo! Dahil may ipa-pang braces ka na, katas ng pangungurakot mo sa kaban ng org! Hahaha. Meron pa ngang iba dyan na talagang nagpapabrace kahit nagkakandahirap-hirap na sa buhay, maipagmayabang lang ang mga bakod nila sa ngipin. At nakuha pang mag-post sa FB ng, “𝘋𝘰𝘯’𝘵 𝘭𝘦𝘵 𝘵𝘩𝘦 𝘸𝘰𝘳𝘭𝘥 𝘤𝘩𝘢𝘯𝘨𝘦 𝘺𝘰𝘶𝘳 𝘴𝘮𝘪𝘭𝘦, 𝘣𝘶𝘵 𝘭𝘦𝘵 𝘺𝘰𝘶𝘳 𝘴𝘮𝘪𝘭𝘦 𝘤𝘩𝘢𝘯𝘨𝘦 𝘵𝘩𝘦 𝘸𝘰𝘳𝘭𝘥. #𝘉𝘳𝘢𝘤𝘦𝘴 #𝘏𝘪𝘳𝘢𝘱𝘒𝘶𝘮𝘢𝘪𝘯 #𝘛𝘩𝘦𝘍𝘦𝘦𝘭𝘴 #𝘚𝘰𝘶𝘱𝘓𝘢𝘯𝘨𝘌𝘷𝘦𝘳𝘺𝘥𝘢𝘺”. Punyemas.

𝗞𝗡𝗢𝗪𝗟𝗘𝗗𝗚𝗘 𝗜𝗡 𝗗𝗘𝗕𝗔𝗧𝗘 𝗜𝗦 𝗔 𝗣𝗟𝗨𝗦; 𝗚𝗢𝗢𝗗 𝗚𝗥𝗔𝗠𝗠𝗔𝗥 𝗜𝗦 𝗔 𝗠𝗨𝗦𝗧

Because you know, haharap ka sa publiko at kailangan mo ng matinding bala na pang laban mo sa mga nambabatikos sa’yo. It’s a plus factor kung marunong ka sa debate at mas gaganda pa ang arguments at rebuttals mo kung maayos ang English o Filipino grammar mo. Pero what if hindi ka marunong sa debate at semplang ka rin sa grammar? Well, 𝘶𝘭𝘪 𝘯𝘢 𝘨𝘪𝘳𝘭. 𝘈𝘥𝘶𝘯 𝘯𝘢 𝘬𝘢𝘺 𝘮𝘢𝘮𝘢 𝘮𝘰. 𝘔𝘢𝘨-𝘪𝘴𝘬𝘸𝘪𝘭𝘢 𝘬𝘢 𝘯𝘢 𝘴𝘢𝘯𝘢.

Seriously, hindi biro ang papasukin mong journey. Dapat matatag ka dahil haharap ka sa mga estudyante na walang ginawa kundi sukatin at husgahan ang iyong ledershep skells base sa husay mo sa Subject-Verb agreement. Hahaha!

𝗛𝗜𝗡𝗗𝗜 𝗞𝗔 𝗣𝗔𝗣𝗔𝗞𝗔𝗕𝗢𝗚 𝗦𝗔 𝗠𝗚𝗔 𝗘𝗩𝗘𝗡𝗧𝗦

Isa ka ngang trapo, so dapat, nasa spotlight ka parati. Hindi ka sanay na nasa gilid lang, tinatawag kung kailan lang kailangan, at uutusan lagi kahit halatang lupaypay na. You always seek and crave for that precious and historic moment in your life wherein it's just you, the universe, and the microphone. You always want to be heard because you firmly believe that your statements are of great help to the community, to the academe, and to the whole student body. Life Changing. Yung tipong banas na banas na ang audience sa kakapakinig ng mga litanya mo at inside their heads, hinahampas ka na nila sa pader at minamartilyo hanggang sa mayurak at mapino ang ulo mo.

Another thing, is tuwing may pageant. Yan na, Todo pustura ka. Tiis ganda ka kahit na naliligo ka na sa sarili mong pawis at pumuputok na ang varicose veins mo dahil sa ultra-mega-six-inch-killer heels mo. Habang yung mga nakatataas sa’yo, ayun panuod-nood lang.

Sa kabilang dako, syempre kapag pageant night, may mga artistang judges so ang battle cry mo, “𝘞𝘢𝘭𝘢 𝘱𝘰𝘯𝘨 𝘥𝘪𝘥𝘪𝘬𝘪𝘵 𝘰 𝘮𝘢𝘨𝘱𝘢𝘱𝘢-𝘱𝘪𝘤𝘵𝘶𝘳𝘦 𝘴𝘢 𝘮𝘨𝘢 𝘫𝘶𝘥𝘨𝘦𝘴 [𝘬𝘢𝘮𝘪 𝘮𝘶𝘯𝘢𝘯𝘨 𝘰𝘳𝘨𝘢𝘯𝘪𝘻𝘦𝘳𝘴].” Hahaha. Tapos wapakels kang magpost kinaumagahan ng pictures ng mga celebrities kahit naaagnas na ang foundation mo sa mukha at super beast mode ka na.

𝗬𝗢𝗨 𝗔𝗜𝗡'𝗧 𝗖𝗟𝗜𝗖𝗞 "𝗔𝗗𝗗 𝗙𝗥𝗜𝗘𝗡𝗗" 𝗨𝗡𝗟𝗘𝗦𝗦 𝗞𝗔 𝗟𝗘𝗩𝗘𝗟 𝗠𝗢 𝗢 𝗠𝗔𝗦 𝗔𝗡𝗚𝗔𝗧 𝗦𝗔'𝗬𝗢

You value those people who have positions and names in the society/university. You unfriend those Jeje friends on FB during your high school days. Iba na ang level mo ngayon so namimili ka na rin ng mga iaaccept at ififriend mo sa mga social media networks.

But of course, it’s a case to case basis. Minsan ikaw na mismo ang nagpapaka-baba at accept nang accept, add nang add ng mga estudyante na hindi mo naman kilala. Bakit? siyempre eleksyon na! Kailangan mong maging “inclusive” dahil mantra mo ang “Moving as one to be one.” Tapos pag nanalo ka, ia-unfriend mo yung mga estudyanteng bumoto sa’yo. Kupal mo.

𝗬𝗢𝗨 𝗩𝗢𝗥𝗔𝗖𝗜𝗢𝗨𝗦𝗟𝗬 𝗖𝗢𝗡𝗦𝗨𝗠𝗘 𝗧𝗛𝗘 𝗦𝗢𝗖𝗜𝗔𝗟 𝗠𝗘𝗗𝗜𝗔 𝗧𝗢 𝗔𝗜𝗥 𝗬𝗢𝗨𝗥 𝗦𝗘𝗡𝗦𝗘𝗟𝗘𝗦𝗦 𝗦𝗘𝗡𝗧𝗜𝗠𝗘𝗡𝗧𝗦

May say ka palagi sa mga issues within or outside the bounds of the university. Blow by blow ka kung maka-share at maka-status ng mga balita in the global, national, and local scheme. Because you are a know-it-all bacterium. After mo ilahad yung problema at sitwasyon, gagawa ka na ngayon ng world class thesis statement mo. At pag nagbukang-liwayway na, mageexpect ka na maraming magla-like ng senseless statuses mo but you found na meron namang naglike at nagcomment sa mga hinaing mo kahit papaano – yun nga lang, mga kapartido mo pa. Hahaha.

𝗠𝗔𝗥𝗔𝗠𝗜 𝗞𝗔𝗡𝗚 𝗣𝗟𝗔𝗧𝗔𝗣𝗢𝗥𝗠𝗔 (𝗡𝗔 𝗛𝗜𝗡𝗗𝗜 𝗡𝗔𝗧𝗨𝗧𝗨𝗣𝗔𝗗)

Idealistic ka sa mga plataporma mo. You want to effect change but you dn’t have the ability and capacity to execute such. Pero todo bigay ka pa rin, dahil sa tingin mo, ito ang makabubuti sa mga estudyante. Yung mga platforms mo na pinaglumaan na ng panahon katulad ng "More informed student body through effective information dissemination”, “Clean and Green Program”, at kung anu-ano pang mga platorma na nag-disperse na at sa huli’y hindi naramdaman ng estudyante.

𝗬𝗢𝗨 𝗣𝗨𝗧 𝗬𝗢𝗨𝗥 𝗔𝗦𝗦 𝗢𝗡 𝗧𝗛𝗘 𝗙𝗥𝗢𝗡𝗧 𝗦𝗘𝗔𝗧

Dahil pag may seminar o events man, lagi ka dapat makita sa front seats. Dapat may baon ka ring tissue, hindi para sa pwet mo, kundi pamahid sa maalikabok na upuan. You’re a sucker for fame. Hindi mo deserve na umupo sa hagdanan neither tumayo nang mahabang oras hanggang matapos ang program. Kung wala ng upuan sa venue, makiusap ka na lang sa mga punong abala ng event na gawin kang organizer. By that, hindi mo mararamdaman ang pagod, may Certificate of Recognition ka pa as an Organizer, o ‘di ba?

𝗬𝗢𝗨’𝗥𝗘 𝗗𝗢𝗡𝗘 𝗪𝗜𝗧𝗛 “𝗟𝗘𝗗𝗘𝗥𝗦𝗛𝗘𝗣 𝗞𝗢𝗪𝗧𝗦"; 𝗕𝗨𝗧 𝗬𝗢𝗨'𝗥𝗘 𝗡𝗢𝗧 𝗬𝗘𝗧 𝗧𝗛𝗥𝗢𝗨𝗚𝗛 𝗪𝗜𝗧𝗛 𝗣𝗢𝗟𝗜𝗧𝗜𝗖𝗞𝗜𝗡𝗚

Ledershep quotes are too mediocre. High school SSG others lang ang gumagamit niyan. If you want to level up your speaking abilities you should use the Student TraPo Jargons like:

Student TraPo: Hindi po ako nandito para magpasikat. Hindi po ako nandito sa harapan niyo para batikusin ang ibang partido. Hindi rin po ako tumatakbo sa eleksyon na’to para masabi lang na student leader ako. I am here for pure, honest, and genuine student service! Kayo po, mga minamahal kong mga kapwa estudyante, ang tunay na namumuno sa Konseho. You deserve platforms! You deserve change! You deserve the best! Hindi po tayo aasenso kung maninitili tayo sa bulok na sistema. So dito na po papasok ang plataporma ko na blah blah blah…hahaha!

Meanwhile, mahilig ka ring manira sa kapwa mo TraPo at pati na rin ng ibang partido. Nakikita mo lagi ang kakulangan at fault ng iba but deep in your heart, alam mong marami ka ring pagkukulang. Marumi ka maglaro dahil ginusto mo to eh. Hindi ka mananlo sa eleksyon kung hindi ka tataya (ng malaki). Politics is a dirty game so you chose to be dirty. Ano raw? Mahaha!

𝗞𝗨𝗡𝗪𝗔𝗥𝗜 𝗦𝗢𝗟𝗜𝗗 𝗞𝗔𝗬𝗢 𝗦𝗔 𝗣𝗔𝗥𝗧𝗜𝗗𝗢 𝗕𝗨𝗧 𝗧𝗛𝗘 𝗥𝗘𝗔𝗟𝗜𝗧𝗬 𝗜𝗦, 𝗡𝗔𝗚𝗣𝗔-𝗣𝗟𝗔𝗦𝗧𝗜𝗞𝗔𝗡 𝗟𝗔𝗡𝗚 𝗡𝗔𝗠𝗔𝗡 𝗧𝗔𝗟𝗔𝗚𝗔 𝗞𝗔𝗬𝗢

Kunwari beso-beso, hug-hug, at bonding-bonding; ngunit sa likod ng mga nakaka-inlove na approach niyo sa bawat isa, nagtatago ang mga dila niyo na hinalma sa dila ng ahas. Sssssss. Kapag wala na si kapartido A, viola! Tsismisan kayo to the max. Lahat kayo nagsisiraan. Andyan nang pagtsismisan niyo si certain officer na wala namang ginagawa kundi ang umupo sa opisino. O si attitude officer na nung unang linggo pa lang sa posisyon, akala mo sugo ng kalangitan sa sobrang kabaitan pero ng dumaan na ang mga buwan, mahabaging bathala, kampon pala siya ni Satanas! Haha.

𝗩𝗘𝗧𝗘𝗥𝗔𝗡 𝗞𝗔 𝗡𝗔 𝗦𝗔 𝗠𝗘𝗘𝗧𝗜𝗡𝗚 𝗗𝗘 𝗔𝗩𝗔𝗡𝗖𝗘

Veteran in a sense na nakaka-ilang ulit ka ng Meeting de Avance pero hindi ka pa rin nananalo sa eleksyon. There is something wrong ata sa pacing mo sa iyong kampanya. Siguro naging bad ka sa mga students ilang buwan bago mag eleksyon o kung makatingin ka sa kanila during normal days, parang ikaw na yung naghaharing-uri sa unibersidad. Hindi ka na kasi ma-reach. Bear in mind na ang isang student TraPo, malapit pa rin sa mga tao. Kahit na ang tingin mo sa bawat estudyante ay, “Errrr… Ka level ko ba ‘to?” dapat maging consistent ka pa rin sa pagpapakitang tao mo so as to secure your good image to the public.

𝗬𝗨𝗡𝗚 𝗜𝗕𝗔𝗡𝗚 𝗧𝗥𝗔𝗣𝗢, 𝗠𝗔𝗥𝗔𝗠𝗜𝗡𝗚 𝗕𝗔𝗖𝗞 𝗦𝗨𝗕𝗝𝗘𝗖𝗧𝗦 𝗔𝗧 𝗟𝗨𝗕𝗛𝗔𝗡𝗚 𝗡𝗔𝗡𝗚𝗔𝗡𝗚𝗔𝗡𝗜𝗕 𝗔𝗡𝗚 𝗗𝗜𝗣𝗟𝗢𝗠𝗔

Ito na yata ang isa sa mga pinakamalupit na consequences ng pagiging Traditional Student Politicaian. Habang todo bigay ka sa iyong kaduda-dudang serbisyo sa mga estudyante, mas napapalayo ka naman sa pagkamit ng diploma na iyong pinakamimithi. Alalahanin mo na estudyante ka pa rin at ang iyong main purpose sa pagpasok sa unibersidad ay ang makagraduate. Kaya nga nauuna ang salitang “student” sa phrase na “Student TraPo” dahil mas prayoridad mo pa rin na tapusin ang kursong kinuha mo. Pero kung ayaw mo, bahala ka, baka magawa ka sa ibang Student Trapo dyan na naka on-hold pa rin ang kanilang Transcript of Record. Ikaw rin. Bahahaha!

Hindi naman masama ang pagiging Traditional Student Politician (insert sarcsm). Normal na ito sa mga unibersidad maging sa ating bansa.

Ang pagiging TraPo ay hindi naa-achieve sa maikling panahon lang. It takes time. At sa sobrang passionate mo sa student politics, mamamalayan mo na lang isang araw na taglay mo na pala ang mga characteristics ng isang Student TraPo. Sabay tanong sa sarili mo, "Ako ba talaga 'to?"